‘Nëse më duhet të zgjedh njërin’ – Scaloni tregon cilin preferon më shumë, Messin apo Maradonan

Krahasimet ndërmjet Lionel Messi dhe Diego Maradona janë të pashmangshme në Argjentinë, ndërsa atyre nuk mund t’iu ikë as trajneri i ekipit përfaqësues.

Nga përzgjedhësi që e fitoi Kupën e Botës 2022, Lionel Scaloni është kërkuar që të tregojë se cilin preferon më shumë, superyllin e tij aktual, apo legjendën që e fitoi trofeun në vitin 1986.

“Nëse më duhet të zgjedh njërin (ndërmjet Messit dhe Maradonas), zgjedh Leon, sepse kam diçka speciale me të. Ai është më i miri i të gjitha kohërave, megjithëse edhe Maradona ka qenë fantastik”.

“Është vështirë ta trajnosh Messin. Teknikisht, nuk mund ta korrigjosh, por mund të intervenosh në situata të caktuara që lidhen me presingun ose mund t’ia shpjegoj një metodë sulmuese atij”, ka theksuar Scaloni. /Telegrafi/