Aksion nga Drejtoria e Inspeksionit në Podujevë

Sot Drejtoria e Inspeksionit në Podujevë ka pasë një aksion, kështu u bë e ditur në faqen zyrtare të Komunës së Podujevës.

Më poshtë postimi i plotë:

Drejtoria e Inspeksionit ka vazhduar aksionin në inspektimin e fastfood-ve, kafiterive, pastiqerive dhe marketeve në rrugën “Zahir Pajaziti”, fokusi i inspektimeve ishte kryesisht në çmimoret e produkteve që i shërbejnë, orarin e punës së biznesit dhe regjistrimit të tyre, deklaracionin si dhe afatet e përdorimit të produkteve.

Gjatë inspektimeve për disa nga bizneset janë shqiptuar vërejtje dhe janë dhënë afate kohore në eliminimin e parregullsive, përndryshe do të shqiptohen gjoba ashtu siç e parasheh ligji.

Drejtoria e Inspeksionit do të vazhdojë me inspektime të tilla në vazhdimësi, ndërsa si institucione i ftojmë qytetarët të denoncojnë çdo abuzim eventual.