LAJMI I FUNDIT: Vetaksident, vetura përfundon me katër rrotë përpjetë

Numri i madh i aksidenteve në trafik po vazhdon të jetë shqetësues.

Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

Një vetaksident trafiku ka ndodhur edhe sonte në magjistralen Prishtinë – Gjilan, saktësisht në fshatin Llabjan.

Rastin e ka konfirmuar për Gazetën Sinjali zëdhënësi i Policisë së Kosovës për Rajonin e Gjilanit, Ismet Hashani, i cili ka bërë me dije se janë shkaktuar vetëm dëme materiale, teksa nuk raportohet për të lënduar.