EKSKLUZIVE: VAR-i me gabim skandaloz në ndeshjen Arsenal – Brentford
Të shtunën është zhvilluar ndeshja në mes Arsenal dhe Brentford në kuadër të Premier Ligës angleze. Ndeshja përfundoi me rezultat 1-1, por me një gol mjaft të diskutuar nga Brentford, shkruan Pika e Bardhë.
Pas ndeshjes gazeta e njohur DailyMail ka publikuar një artikull në të cilin sqarohet se çfarë ndodhi me VAR-in gjatë ndeshjes në mes Arsenal dhe Brentford kur Toney shënoi.
Referi i cili ishte në VAR bëri një gabim skandaloz te goli i Toneyt, pasi ai nuk i vendosi vijat te linja e offsides. Arsyeja që ai nuk i vendosi vijat e offsides ishte sepse po e shikonte një rast tjetër që kishte ndodhur në atë aksion dhe jo pjesën te Norgaard.
Christian Norgaard ishte në pozicion jashtë loje kur pasoi për Ivan Toney dhe goli do të ishte anuluar nëse linjat e VAR-it do të ishin vendosur. Menjëherë pas ndeshjes reagoi edhe trajneri i Arsenalit, Mikel Arteta.
“E shikova rastin disa herë dhe ishte offside,” tha Arteta pas ndeshjes.
Fillimisht referi shikoi rastin për një faul të mundshëm, por më pas e kaloi rastin e offsides pa i vendosur vijat dhe kështu Arsenali u penalizua. Sidoçoftë ky do të llogaritet vetëm një gabim njerëzoz dhe referi nuk e ka bërë këtë me tendencë e as nuk pritet të ketë ndonjë dënim për të, por që ndikimi do të jetë shumë i madh.
Më këtë gabim skandaloz të VAR-it, Arsenali rrezikon edhe ta humbasë titullin duke pasë parasysh dy ndeshjet që do të luhen me Manchester Cityn dhe distanca tani është në +6.
