Ndërron jetë shtatzëna që mbeti e lënduar në aksidentin e rëndë në Ferizaj

Shefi i mjekimit intenziv nga Qendra Klinike Universitare e Kosovës, Shaqir Uka, ka bërë të ditur se ka ndërruar jetë gruaja shtatzënë, e cila kishte pësuar lëndime nga aksidenti në Ferizaj.

Ka ndërruar jetë gruaja shtatzënë, e cila kishte mbetur e lënduar nga aksidenti në rrugën Ferizaj-Shtime.

Lajmin për Dukagjinin e ka konfimruar, Shaqir Uka, shef i mjekimit intenziv nga Qendra Klinike Universitare e Kosovës.

“Është e vërtetë. Nuk ka mundur t’u mbijetojë palgëve të marra, dhe si rrjedhojë, ajo ka ndërruar jetë sot rreth orës 13:00”, ka deklaruar Uka.

Policia e Kosovës ka dhënë detaje për aksidentin në rrugën Ferizaj-Shtime, si pasojë e të cilit, kanë mbetur të vdekur katër persona.

Sipas raportit 24-orësh të policisë, thuhet se deri te aksidenti dyshohet se ka ardhur, kur drejtuesi i njërës nga veturat, për arsye deri më tani të panjohura, humb kontrollin mbi veturë dhe godet dy veturat e tjera, të cilat ishin duke lëvizur në drejtim të kundërt.

“Ka ndodhur aksident trafiku në mes të tri veturave me targa vendore, deri te aksidenti dyshohet se ka ardhur kur drejtuesi i njërës nga veturat për arsye deri më tani të panjohura, humb kontrollin mbi veturë dhe godet dy veturat e tjera, të cilat ishin duke lëvizur në drejtim të kundërt”, thuhet në raport.

Nga ekipi mjekësor në vendin e ngjarjes është konstatuar se tri viktima meshkuj kosovarë janë pa shenja jete.

Ndërsa, tre të lënduar të tjerë janë dërguar në emergjencën e Ferizajt, ku më pas ka ndërruar jetë edhe viktima e katërt mashkull kosovar, ndërsa dy të lënduarit e tjerë janë dërguar në QKUK Prishtinë për tretman të mëtutjeshëm mjekësor.