67 vjeçari u shpall i vdekur – vizita në Gjermani i kushton me humbje të pensionit (VIDEO)
Pensionistit Ramadan Kyçyku nga Suhareka, u largua për tre muaj nga pensioni, pasi nuk ishte lajmëruar pas gjashtë muajve në zyrën e pensionistëve. Krejt kjo i ndodhi pasi nuk ishte në Kosovë gjatë asaj përiudhe. Madje, kur u lajmërua i thanë se e kishin shpallë të vdekur. Nga Departamenti i Pensioneve në Prizren thonë kjo u bë sipas Udhëzimit Administrativ.
Ramadan Kyçyku nga Suhareka, kishte shkuar për vizitë tek familjarët jashtë Kosovës.
Por, 67 vjeçari, kur u kthye shkoi për t’u lajmëruar në zyrën e pensionistëve për të treguar se është gjallë.
Aty, ai mbeti i habitur, pasi e kishin larguar për tre muaj nga përfitimi i pensionit, meqë nuk ishte lajmëruar me kohë.
Madje, në zyrën e pensionistëve, Kyçykut i kishin thënë se të kanë shpallë të vdekur.
67 vjeçari thotë se edhe ankesat e bëra iu refuzuan, me arsyetimin se nuk ishte lajmëruar në kohë.
Udhëheqësi i Zyrës së Pensioneve në Prizren, Elmi Rrafshi, thotë se sipas Udhëzimit Administrativ, nëse personi nuk lajmërohet brenda 6 muajve, suspendohet në pagesë.
Ligji për Skema Pensionale obligon të gjithë pensionistët të lajmërohen çdo gjashtë muaj, derisa për këtë ligj ka pasur shumë pakënaqësi e reagime nga vet ata.
Raporti: Saranda Alshiqi/Kanal10
