Kryeministri Kurti sonte në Rubikon

Pas paraqitjes së mbrëmshme në Debat Plus, kryeministri i Kosovës ka vendosur që edhe sonte të jetë pjesë e një emisioni televiziv.

Bëhet fjalë për emisionin e Adriatik Kelmendit, Rubikon, që transmetohet në Klan Kosova.

Nuk dihet nëse do të ketë analistë, por mendohet që kjo do të jetë vetëm një intervistë mes Kelmendit dhe Kurtit, ashtu siç ishte edhe mbrëmë në mes Pandurit dhe Kurtit.

Lajmin që Albin Kurti do të jetë sonte në Rubikon e ka dhënë Adriatik Kelmendi me anë të një postimi.

Më poshtë postimi i plotë:

RUBIKON sonte:

Kryeministri i vendit, Albin Kurti, vjen sonte në Rubikon për të folur mbi qeverisjen dy vjeçare.

– Sa nga premtimet e fushës zgjedhore janë realizuar deri tani?
– Çka (s’) pranoi Kurti në Ohër?
– Ku është dialogu në listën e prioriteteve të Qeverisë Kurti?
– Çka po bëhet për përballje me inflacionin dhe krizën energjetike?
– Përse po ngecin reformat në shëndetësi?
– Si e komenton verdiktin e Gjykatës Kushtetuese për Ligjin për Këshillin Prokurorial?

Këto dhe shumë çështje të tjera diskutohen sonte me shefin e ekzekutivit, Albin Kurti, nga ora 20:45, në Klan Kosova.