Henry: Për hir të futbollit Messi duhet të kthehet te Barcelona

Skuadra e PSG’së u mposht sot nga Lyoni me rezultatin e ngushtë 0-1 në ndeshjen e Ligue 1. Ekipi i parisienëve u befasua sërish në shtëpi.

Por vëmendja e madhe ishte para ndeshjes, ku Leo Messi u fishkëllye nga disa tifozë të PSG’së në momentin kur emri i tij u thirr në formacionin zyrtar, përcjell LIG Sport.

E për këtë ka reaguar edhe ish lojtari i madh, Thierry Henry, i cili tha se argjentinasi nuk e meriton këtë – e shtoi se ai duhet të kthehet tek Barça.

“Messi duhet të kthehet në Barcelonë, për dashurinë e futbollit dhe për mënyrën se si u largua”, tha fillimisht Henry për Prime Sport.

“Është e turpshme të dëgjosh fishkëllima nga disa prej tifozëve për lojtarin që ka 13 gola dhe 13 asistime këtë sezon”, përfundoi ai.