Gjysmëfinalja e Kupës së Mbretit – Sonte El Clasico

Sonte zhvillohet ndeshja më e madhe e futbollit në botë, Klasikja në mes Barcelonës dhe Real Madridit.

Kjo ndeshje fillon nga ora 21:00 në stadiumin ‘Spotify Camp Nou’. Klasikja e natës së sotme është ndeshja e dytë gjysmëfinale e Kupës së Mbretit.

Ndeshjen e parë e fituan katalunasit me rezultat 0-1 në stadiumin ‘Santiago Bernabeu’.

Barcelona ka dominuar të gjitha ndeshjet e zhvilluar në vitin 2023, madje duke fituar 3 ndeshje radhazi ndaj Realit, përkundër mungesave të mëdha që kishin.

Barça edhe në këtë ndeshje do të ketë 4 mungesa të rëndësishmë, që të 4 lojtarët e ekipit të parë. Bëhet fjalë për Christensen, De Jong, Pedri dhe Dembele.

Nga ana tjetër, Real Madrid do ta ketë të gatshëm ekipin e zakonshëm.

Te Barcelona si zakonisht në Klasike, Araujo pritet të jetë mbrojtës i djathtë, ndërsa ende nuk dihet nëse Barça do të luajë me formacionin 4-4-2 apo me 4-3-3.

El Clasicon sonte mund ta ndiqni në Super Sport Albania nga ora 21:00. Fituesi i gjysmëfinales do të takohet në finale me Osasunan.