Liverpool – Arsenal, detajet që duhet t’i dini për këtë ndeshje
Përgatitur nga Pika e Bardhë:
Nesër luhen dy ndeshje të Premier Ligës angleze. Ndeshja më interesante është ajo në mes Liverpool dhe Arsenal.
‘The Reds’ presin ‘Gunners’ në ora 17:30 në Anfield Road, në stadiumin ku Liverpool ka 6 fitore radhazi ndaj Arsenalit.
STATISTIKAT
Liverpooli nuk ka statistika aspak të mira në 4 ndeshjet e fundit, ku ka 3 humbje dhe vetëm një barazim, pra 0 fitore. Fitorja e fundit e Liverpool ishte ajo ndaj Mancheter United me rezultat 7-0.
Nga ana tjetër, Arsenali nuk ka humbje nga shkurti i këtij viti, ku ndeshja e fundit që ata humbën është ndaj Everton me rezultat 1-0.
Pas ndeshjes me Everton, Arsenali ka fitore me Aston Villan, Leicesterin, Evertonin, Bournemouthin, Fulhamin, C Palace dhe Leeds United.
MUNGESAT
Te Arsenali do të mungojnë Elneny, Nketiah, Tomiyasu dhe Saliba. Te Liverpooli do të mungojnë Bajcetic, Keita, Ramsay dhe Diaz.
NDESHJET MES VETE
Ndeshjen e parë të këtij sezoni e ka fituar Arsenali me rezultat 3-2. Ndërsa Liverpool ka statistika të jashtëzakonshme si vendas. 4-0, 3-1, 3-1, 5-1, 4-0, 3-1 janë fitoret e fundit të Liverpool në Anfield Road ndaj Arsenalit.
Hera e fundit kur Arsenali siguroi të paktën një pikë në stadiumin e Liverpoolit është viti 2016, pas një barazimi 3-3. Në atë kohë trajner i Arsenalit ishte Arsene Wenger dhe për Arsenalin luanin lojtarë si Walcott, Campbell, Giroud apo edhe lojtarë që tashmë e kanë lënë futbollin si Chech dhe Ozil.
Besojeni apo jo, fitorja e fundit e Arsenalit ndaj Liverpoolit në Anfield në Premier League është ajo e vitit 2012, atë kohë Arsenali fitoi ndeshjen me golin e Podolskit dhe Cazorlas. Ndërsa po në këtë ndeshje, Liverpooli kishte lojtarë si Suarez, Skrtel, Sterling, Allen, Agger e kapiteni legjendar, Gerrard.
NDESHJA E VITIT PËR ARSENALIN
Padyshim që kjo do të jetë një ndër ndeshjet më të rëndësishme të Arsenalit në këtë sezonë. Distanca me vetëm dy pikë ndaj vendit të dytë, i kushtëzon Arsenalit nesër vetëm fitoren.
Para ndeshjes, Mikel Arteta ka thënë që kjo është ndeshja e titullit dhe nëse e fitojnë këtë ndeshje ata edhe mund të shpallen kampion të Premier Ligës.
TRANSMETUESI
Kjo ndeshje fillon nga ora 17:30 dhe transmetohet live në Super Sport Albania./PikaeBardhë
