Flet Valon Syla pas sulmit fizik: Ishin tre persona që më sulmuan

Valon Syla, gazetari dhe analisti i emisionit Pressing në T7, është sulmuar mbrëmjen e sotme nga tre persona raporton Express.

Si pasojë, siç bën të ditur mediumi, sulmi ndodhi pak minuta pasi ai kishte dalë nga studioja e televizionit ku ka pësuar lëndime të lehta në kokë. Ngjarja raportohet të ketë ndodhur para lokalit të quajtur “Image”.

Në një përgjigje për Insajderin, Syla ka konfirmuar rastin. Ai ka thënë se është sulmuar nga tre persona ndërsa për detaje tjera po merret Policia.

“Po ishin tre persona që më sulmuan. Rasti tashmë është në polici dhe po presim që të zbardhen detajet e tjera. Me shëndet jam mirë, nuk kam marrë lëndime të rënda”, ka thënë ai.

Kujtojmë se Syla është sulmuar fizikisht edhe më parë në lagjën Pejton të Prishtinës.