Ndodh edhe kjo në Shqipëri: Tezja gjen mbesën duke qarë në shkollë, ia rrah mësuesen
Një ngjarje jo fort e zakontë ka ndodhur në shkollën nëntëvjeçare “Nimete Progonati”, në qytetin e Memaliajt në Shqipëri.
Një grua dyshohet se ka sulmuar fizikisht mësuesen e kësaj shkolle.
Viktima është 43-vjeçarja me M.H, e cila u sulmua fizikisht nga ana e tezës së një nxënëse.
Sipas Oranews, arsyeja që çoi deri tek incidenti ishte bullizimi i nxënëses nga ana e mësueses.
Tezja e fëmijës derisa kishte shkuar për ta marrë e pa tek qante mbesa e saj, e cila u ankua se mësuesja e kishte goditur dhe bullizuar gjatë mësimit.
Me këtë rast, S.K, shkoi tek mësuesja dhe debatoi me të e me këtë rast gjendja eskaloi edhe me përdorimin e dhunës ndaj mësueses.
Për ta qetësuar situatën u desh ndërhyrja e stafit të mësuesve.
Rasti u denoncua në polici.
