Podujevë: Ndërron jetë Selatin Vokrri (FOTO)

Ka ndërruar jetë ish-futbollisti dhe ish-trajneri, Selatin Vokrri nga Podujeva.

Kështu ka bërë të ditur në në postim në Facebook, kryetari i Podujevës, Shpejtim Bulliqi.

Postimi i tij:

I pikëlluar për lajmin e ndarjes nga jeta të ish futbollistit dhe ish trajnerit llapjan Selatin Vokrri.

Ai ka dhënë kontribut të shquar në fushën e blertë si futbollist dhe trajner sportiv. Ka luajtur për Llapin dhe Vëllaznimin e Gjakovës, ndërsa pas përfundimit të karrierës si futbollist aktiv, ai vazhdoi karrierën si trajner i Besianës dhe Llapit. Poashtu Selatin Vokrri ka punuar si mësimdhënës duke kontribuar në edukimin e brezave të ri.

Për kontributin e tij në sport dhe në arsim do ta kujtojmë e nderojmë gjithmonë, por do ta kujtojmë edhe për energjinë pozitive që posedonte dhe e humanizmin që tregonte me secilin.

Ju shpreh ngushëllimet më të sinqerta familjes, miqve dhe mbarë komunitetit sportiv!