Aksident trafiku, lëndohen 3 persona
Tre persona kanë pësuar lëndime si shkak i një aksidenti në mes dy veturave, në rrugën “Bill Clinton” në Prishtinë.
Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Rreth orës 21:00 kemi pranuar informatën se në rrugën “Bill Clinton” në Prishtinë, ka ndodhur një aksident trafiku me lëndime.
Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar tre persona. Me rastin po merret njësiti i trafikut”, ka deklaruar Ahmeti.
