LAJMI I FUNDIT: Bie nga skelet, humb jetën shqiptari 45 vjeçar
Mësohet se shtetasi A. L., 45 vjeç, ka ndërruar jetë gjatë dërgimit për në spitalin e Lezhës.
Ngjarja ka ndodhur rreth orës 8 të mëngjesit në Kune të Shëngjinit. Mësohet se 45-vjeçari, banues në Kallmet, ka qenë duke punuar në një objekt në ndërtim e sipër, nga ku ka rënë aksidentalisht nga lartësia dhe si pasojë ka ndërruar jetë brenda pak orëve, shkruan Top Channel.
Policia e ka shoqëruar në stacion për veprime të mëtejshme procedurale administratorin e firmës që po kryen punimet në këtë objekt, shtetasin A. K.
Gjithashtu, grupi hetimor vazhdon veprimet verifikuese hetimore në lidhje me zbatimin e rregullave teknike në punë dhe të dokumentacioneve, me qëllim sqarimin e plotë të rrethanave të ngjarjes.
