Theret me thikë një grua, ndërhyri për ta ndaluar rrahjen e bashkëshortit me dy burra

Policia e Kosovës ka njoftuar se një grua në Prishtinë është therur me thikë pasi ka ndërhyrë dhe ka tentuar të ndalë një rrahje mes bashkëshortit të saj dhe dy burrave.

Rasti raportohet se ka ndodhur gjatë ditës së hëne në rrugën “Mustafë Kruja”, në Prishtinë.

“Ankuesja kosovare ka raportuar në polici se derisa ka ndërhyre për t’i ndarë gjatë një rrahje burrin e saj dhe dy të dyshuar meshkuj kosovar njëri nga të dyshuarit e ka goditur me thikë në dorë duke i shkaktuar lëndime trupore”, thuhet në raportin e Policisë.

Sipas njoftimit viktima është dërguar për trajtim mjekësor.

Po ashtu është bërë e ditur se njëri nga të dyshuarit është arrestuar dhe me vendim të prokurorit është dërguar në mbajtje, ndërsa i dyshuari tjetër gjendet në arrati./Lajmi.net/