Aksion për pastrimin e hapësirave te Liqeni i Batllavës

Sot është marrë një aksion për pastrimin e hapësirave te Liqeni i Batllavës.

Kështu ka njoftuar kryetari i Podujevës, Shpejtim Bulliqi me anë të një postimi.

Më poshtë postimi:

Sot ju bashkova aksionit për pastrimin e hapësirave përreth Liqenit të Batllavës, ku bashkë me nxënës të shkollave të mesme, shoqatën e peshkatarëve dhe përfaqësues nga shoqëria civile kemi nisur nisur aksionin për largimin e mbeturinave në hapësirat pranë liqenit.

Ky aksion do të vazhdojë edhe më 26 maj, ku me numër shumë më të madh të të gjitha institucioneve, nxënësve e qytetarëve do të kujdesemi që e gjithë hapësira përreth liqenit të pastrohet. Këtij aksioni për pastrim i janë bashkuar pasdite edhe Kompania Regjionale “Pastrimi”, ndërsa gjatë ditës nxënësit e shkollave dhe mësimdhënësit në nivel komune kanë pastruar hapësirat e jashtme të shkollave.

Apeloj tek të gjithë ata që vijnë ta vizitojnë këtë hapësirë të bukur për pushim e rekreacion, të përkujdesen duke e ruajtur nga ndotja.