Mësohet nëse Messi do të jetë nesër startues

Lionel Messi do të kthehet në formacionin startues të Paris St-Germain të shtunën, për herë të parë pas udhëtimit të tij në Arabinë Saudite, shkruan Pika e Bardhë.

Kapiteni i Argjentinës fillimisht u pezullua nga klubi francez për dy javë për udhëtimin e tij, por si duket humbja e PSG-së në shtëpi nga Lorient ka detyruar francezët ta rikthejnë Messin në formacion.

Liderët e Ligue 1, të cilët kanë pësuar tri humbje në 4 ndeshjet e fundit, do të përballen të shtunën ndaj Ajaccios.

Për Messin foli edhe trajneri i PSG-së në një intervistë.

“Ai [Messi] do të startojë nesër”, tha menaxheri i PSG-së, Christophe Galtier.

“Kam folur me të të martën për të parë se cili ishte mentaliteti i tij dhe e gjeta shumë të vendosur për të luajtur”.

Messi, i cili ka një rol si ambasador i turizmit për Arabinë Saudite, u kërkoi falje bashkëlojtarëve të tij të premten e kaluar për udhëtimin e paautorizuar.

Kujtojmë që Messi pritet të largohet në verë nga skuadra franceze, PSG.