30 të lënduar nga aksidenti që ndodhi para disa minutave

Një aksident trafiku ka ndodhur në fshatin Vragoli, ku si pasojë janë lënduar 30 persona.

Lajmin për Klankosova.tv e ka konfirmuar zëdhënësi i policisë për rajonin e Prishtinës, Bajram Krasniqi, i cili tha se në aksident ishin të përfshirë një autobus, një kamion dhe një veturë.

“Në ora 15:50, policia është njoftuar për një aksident trafiku të ndodhur në rrugën nacionale Prishtinë-Pejë (fshati Vragoli). Në aksident është përfshirë një autobus me targa të huaja, një kamion me targa vendore dhe një veturë po ashtu me targa vendore. Njësitet përkatëse policore kanë dalë në vend-ngjarje. Si pasojë e aksidentit 30 persona që kanë pësuar lëndime”, është shprehur Krasniqi, njofton Klankosova.tv.

Tutje, ai tha se në vendin e ngjarjes kanë dalë ekipet mjekësore. /Klankosova.tv