Walker: Jam përballur me shumë lojtarë më të mirë se Vinicius

Sonte nga ora 21:00 në Etihad Stadium do të zhvillohet ndeshja e dytë gjysmëfinale në mes Manchester City dhe Real Madrid.

Ndeshja e parë e zhvilluar në Santiago Bernabeo përfundoi me rezultat 1-1, me golat e Vinicius dhe Kevin de Bruyne.

Në ndeshjen e parë, por edhe sonte vëmendja kryesore do të jetë te dueli Walker – Vinicius.

Para kësaj ndeshje ishte mbrojtësi anglez që foli rreth duelit të tij me Vinicius.

Ai e cilësoi brazilianin si njërin nga dribluesit më të mirë, por tha që ka luajtur edhe me lojtarë më të mirë se ai.

“Në karrierën time jam përballur me shumë lojtarë më të mirë se Vinicius. Fillimisht duhet të respektoni rivalin tuaj. Ashtu si me Mbappen në Kupën e Botës, gjithmonë tregoj respekt për kundërshtarët. Nëse nuk do të konkurroja me lojtarët e Real, PSG, Chelsea nuk do të isha në këtë klub”, tha Walker.