Projekt i rëndësishëm për Podujevën – Vlera e tij kalon 3 milionë euro

Kryetari i Podujevës, Shpejtim Bulliqi ka publikuar një postim për një projekt shumë të rëndësishëm për Komunën e Podujevës.

Bëhet fjalë për projektin e trajtimit të ujërave të zeza.

Më poshtë postimi i kryetarit:

Para pak javësh kemi inicuar procedurat e tenderimit për ndërtimin e kolektorit të ujërave të zeza në Komunën e Podujevës, ky është projekti më i madh në histori të komunës për trajtimin e ujërave të zeza.

Vlera e parashikuar e projektit është 3,061,853.49 euro.

Shtrirja e rrjetit të kanalizimit atmosferik dhe fekal do të bëhet në gjatësi prej 20.98 km. Ndërsa realizimi i tërësishëm i projektit parashihet të përfundojë në vitin 2025.

2023 është viti i projekteve që e transformojnë qytetin dhe komunën tonë.