Qytetari dënohet me 200 euro pasi hodhi mbeturina në hapësirë publike
Një qytetar është dënuar me 200 euro gjobë për hedhje të mbetjeve inerte në hapësirë publike në Komunën e Suharekës.
Këtë e ka bërë të ditur kryetari i kësaj komune, Bali Muharremaj, përmes një postimi në Facebook.
Muharremaj tha se nuk do të ketë asnjë kompromis për ata që e dëmtojnë ambientin.
“200 euro dënimi dhe natyrisht që e ka pastruar vetë edhe hapësirën publike. Asnjë kompromis me ata që e dëmtojnë ambientin dhe hedhin mbeturina në zona publike, ndryshe aplikohen dënimet sipas ligjit”, ka shkruar Muharremaj në Facebook.
