Mungesa e teleferikut nuk i ndalë vizitorët në Kalanë e Prizrenit (VIDEO)

Është një rrugë e vështirë për t’u ngjitur, por, Kalaja e Prizrenit, vazhdon të ketë mijëra vizitorë çdo ditë.

Por, qytetarët nuk ankohen fare, pavarësisht lodhjes derisa arrijnë në Kala, si pasojë e mungesës së teleferikut.

Ata thonë se do t’i ndihmonin moshat e shtyra, për ta pasur me të lehtë ngjitjen deri në Kala.

Rruga prej 20 minutash nuk e ndaloi as Lumin 8 vjeçar nga Skenderaj për ta parë Kalanë, si dhe mbështetur babin e tij në maratonën që po zhvillohej aty.

E sipas turistes, Kristine nga Franca, ia vlen lodhja për ajrin e pastër që ia kujtojnë Alpet Zvicerane.

71 vjeçarja thotë se kjo është hera e dytë që vjen në Prizren dhe ndjehet shumë mirë sa herë që e viziton.

E mbikëqyrësi i projektit të Kalasë së Prizrenit, thotë se asaj i nevojitet më shumë staf dhe se teleferiku vetëm do ta rriste numrin e turistëve.

Kurse kryetari i kësaj komune, Shaqir Totaj, thotë se tanimë janë duke pritur rezultatet e kompanisë zvicërrane për fizibilitetin, derisa, shpreson që Ministria e Mjedisit, Planifikimit Hapsinorë dhe Infrastrukturës, të bëjë punën e vet.

Kontrata e projektit për teleferikun, u nënshkrua në janar të 2023-ës, nga Kryetari Shaqir Totaj dhe Ministri Liburn Aliu.

Ndryshe një sfidë tjetër e kalasë është edhe mungesa e ciceronëve gjatë vikendit, kur edhe vizitat janë të shumta.

Raporti: Gentiana Gashi/Kanal10