Pamje nga aksidenti ku vetura përfundoi në liqen (FOTO)

Një veturë e ka humbur kontrollin gjatë mëngjesit të sotëm në magjistralen Gjilan-Prishtinë rreth orës 05:00.

Një shofere e cila nuk ka përshtatur shpejtësinë e kushteve të rrugës, doli jashtë saj.

Sipas Policisë së Kosovës, ajo ka goditur një automjet që ishte i parkuar. Vetura e viktimës ka përfunduar në ujin e pendës. Pas trajtimit në qendrën emergjente, viktima është liruar për në shtëpi.

“Nga hetimet e para dyshohet se ngasësi i automjetit me targa vendore (femër kosovare) duke mos përshtatur shpejtësinë kushteve të rrugës në kthesë, del jashtë rrugës, godet një automjet tjetër i cili ishte i parkuar dhe përfundon në ujin e pendës. Në këtë rast përpos dëmeve materiale në dy automjetet, lëndime trupore pëson vozitësja e lartcekur e cila pas trajtimit në qendrën emergjente është liruar për në shtëpi”, thonë nga Policia e Kosovës.

Sipas Valon Osmanit, zëdhënësit të Policisë për Rajonin e Gjilanit, automjeti me ndihmën e zjarrfikësve dhe kompanisë për tërheqje është tërhequr.

Më tutje është bërë e ditur se rrethanat e aksidentit po hetohen nga polic hetues të aksidenteve të komunikacionit rrugor./Lajmi.net/