Momente nga ngujimi i gazetarëve në Zveçan (VIDEO)

Një numër i gazetarëve kosovarë kishin mbetur të ngujuar për tri orë në një kafene afër ndërtesës së Komunës së Zveçanit pas tensionimit të situatës në mes protestuesve dhe pjesëtareve të KFOR-it.

Pas rreth tri ore, gazetarët dhe punonjës të mediave kanë arritur të largohen pa ndonjë lëndim.

Edhe ekipi i KALLXO.com ka qenë në mesin e punonjësve të mediave që mbetën të ngujuar.

KALLXO.com iu sjellë pamje brenda kafenesë ku gazetarët mbetën të ngujuar.

Pas dy paralajmërimeve nga KFOR-i ndaj protestuesve për t’u shpërndarë, situata në Zveçan eskaloi. Për shkak të gjuajtjeve me mjete shpërthyese rreth 25 pjesëtarë të KFOR-it mbetën të lënduar.