Bllokohen dy rrugë në Prishtinë për shkak të finales në futboll
Policia e Kosovës ka njoftuar se për shkak të ndeshjes së futbollit që do të zhvillohet sot, në stadiumin “Fadil Vokrri” në Prishtinë, Drejtoria Rajonale e Policisë –Prishtinë, ka bërë të gjitha përgatitjet për të ofruar siguri për ë gjithë pjesëmarrësit .
Sot nga ora 18:00, luhet finalja e Kupës së Kosovës në futboll Prishtina – Gjilani.
Me këtë rast sot që nga ora 7 e mëngjesit e deri në përfundim të ndeshjes policia do të ndërpres qarkullimin e të gjitha automjeteve në rrugët “Enver Zymberi” dhe “Rinia”.
Me këtë rast, Policia ka kërkuar mirëkuptimin e qytetarëve.
“Andaj për të përballuar sa më lehtë rrethanat që do të paraqiten në qarkullimin rrugor, kërkojmë ndihmën, besimin dhe mirëkuptimin e gjithë qytetarëve dhe veçanërisht lusim qytetarët e kryeqytetit që të shmangin lëvizjet e tyre drejt stadiumit të qytetit me vetura”- është thënë në njoftim.
