E dhimbshme: Ky është personi që u gjet pa shenja jete (FOTO)
Një ngjarje e rëndë ka ndodhur natën e 4 qershorit në fshatin Vlashnje në Prizren ku një burrë 46-vjeçar u gjet pa shenja jete në shtëpinë e tij. Ky rast ka tronditur familjen Susuri, të cilët të pikëlluar kanë marrë lajmin për vdekjen e Blerimit, raporton Sinjali.
Sipas informacioneve nga Policia, dyshohet se 46-vjeçari ka kryer vetvrasje me pistoletë e cila është gjetur pranë trupit të pa jetë të viktimës bashkë me 24 fishekë.
Familjarët e 46-vjeçarit kanë njoftuar se varrimi i të ndjerit është bërë sot në varrezat e fshatit Muradem.
“Lajmërim mortor! Familjar,miq,shokë dhe dashamir lajmërojmë se ka ndërruar jetë Blerim (Rizan) Susuri nga fsh. Muradem. Varrimi i të ndjerit bëhet diten e Hene 05-06-2023 me ikindi në varrezat e fsh. Muradem. Falja e xhenazës bëhet në xhamin e fsh. Muradem. Allahu e mëshiroftë”, thuhet në njoftimin mortor.
Rastin për Gazetën Sinjali e ka konfirmuar mbrëmë Shaqir Bytyqi nga Policia Rajonale në Prizren.
