Hajnat vjedhin pajisjet e makinave për shtrimin e asfaltit

Një fenomen mjaft shqetësues në Kosovë janë bërë vjedhjet e shpeshta nëpër banesa, shtëpi, institucione financiare, vetura e dyqane të qytetarëve, duke shkaktuar kështu humbje e pasiguri. Raste të tilla shpesh ndodhin edhe në vende publike e hapësira të ndryshme, raporton Gazeta Sunja

Një rast i tillë i ka ndodhur së fundi në Gjakovë, ku një punëtorit të kompanisë “Benita Company” nga Klinë, hajnat ia kanë vjedhur pajisje që përdoren për ta shtruar asfaltin.

Burimet e Gazetës Sinjali kanë bërë me dije se persona të panjohura kanë arritur që të marrin mjetet e punës, duke shkaktuar kështu dëm në vlerë të rreth 15 mijë eurove.

Me urdhër të prokurorit rasti është iniciuar ‘Vjedhje e rëndë’, ndërsa veprimet tjera ligjore do merren posa të identifikohen dhe të kapen të dyshuarit.