Giresse rren në konferencë – Reagon Arbnor Muja
Futbollisti Arbnor Muja ka reaguar pasi trajneri Alain Giresse nuk e ka ftuar për ndeshjet e muajit qershor.
Selektori i Kosovës në konferencën për media të mbajtur sot, kishte deklaruar se Muja ka kërkuar që të jetë titullar në ndeshjet ndaj Rumanisë dhe Bjellorusisë.
Muja në reagimin e tij ka thënë se deklarata e Giresse është e pavërtetë pasi nuk ka kërkuar vendin e titullarit.
Reagimi i plotë:
Përshëndetje miq,
Deri sot kam heshtur për çështjen e mosftesës sime nga selektori i Përfaqësuesës së Kosovës, Alain Giresse.
Por sot, nuk do të heshti!
Secili trener dhe staf i tyre që ka punuar me mua, e dijnë të gjithë që unë një gjë të tillë nuk e kërkoj kurrë!
Emrin tim, selektori mund ta thërret, mund ta lejë në bankën rezervë, mund ta lejë edhe në tribuna, por kurrë ta njollosë!
Suksese përfaqësuesës së Kosovës.
Me respekt,
Arbnor Muja.
