Ky do të jetë klubi i ri i Ilkay Gundogan

Mesfushori turko-gjerman, Ilkay Gundogan ka vendosur të largohet në verë nga klubi anglez, Manchester City.

Një telefonatë nga Xavi Hernandez duket se e ka bindur atë të bashkohet me Barcelonën.

Në këtë bisedë, Xavi i ka thënë Gundoganit se Barcelona është një klub më i madh se Dortmund dhe City dhe për këtë duhet të jetë në dijeni para se të transferohet.

Gjithashtu mediat spanjolle gjatë ditës së sotme kanë raportuar për transferimin e tij te gjiganti katalunas.

Thuhet se ai do të nënshkruajë një kontratë 3 vjeçare me Barçën dhe do të jetë titullar i padiskutueshëm në formacionin e Xavit. Gundogan po vlerësohet si njëri nga lojtarët më të mirë në botë për momentin.

Ai kaloi një sezonë fantastik në Man City, duke fituar Premier League, Fa Cup dhe është në finale të Ligës së Kampionëve. Kujtojmë që Gundogan është kapiten i klubit anglez.