KF Llapi të gatshëm të marrin pjesë në Ligën U-21

FFK ka dërguar një letër te të gjitha klubet, duke i informuar ata rreth garave për Ligën U-21.

Burime të ‘GazetaBlic Sport’ mësojnë se FFK ka kërkuar nga klubet e Superligës që brenda dhjetë ditëve të kompletojnë stafin dhe lojtarët për krijimin e ligës U21.

Qëllimi i kësaj lige është që futbollistëve të kësaj moshe, të cilat po hasin vështirësi të gjejnë hapësirë në ekipin e parë, t’u jepet mundësia të qëndrojnë në formë, të zhvillohen dhe t’i tregojnë vlerat e tyre në vazhdimësi, në mënyrë që të përgatiten për të qenë pjesë e ekipit të parë.

Klubi i parë që është i gatshëm për një Ligë të tillë është KF Llapi. Këtë e ka konfirmuar trajneri i klubit, Tahir Batatina.