Gjendje emergjente pas vërshimeve
Pas vërshimeve të mëdha dhe daljes nga shtrati të lumit Tërstena gjatë ditës së djeshme, Vushtrria ka shpallë gjendje emergjente, raporton Gazeta Sinjali.
Kryetari i Komunës, Ferit Idrizi ka krijuar një Shtab Emergjent i cili ka filluar punën në terren.
Gjithashtu, qytetarëve të cilët banojnë afër Lumit Podranqa dhe Tërstena u është bërë thirrje që të përgatiten për evakuim.
Këtë e konfirmoi edhe vetë Idrizi, i cili apeloi qytetarët që të kenë kujdes të shtuar pasi që orët në vijim mund të jenë kritike, sidomos pjesa e Qytetit.
