Kryetari i Podujevës del në terren për ta përcjellë situatën me vërshime

Mbrëmë situata me vërshimet nuk ka qenë aspak e mirë.

Kishte fshatra të Podujevës që u dëmtuan nga shiu, ndërsa në disa Komuna tjera gjendja ishte edhe më e rënduar.

Në orët e vona të mbrëmjes, kryetari i Podujevës, Shpejtim Bulliqi doli në terren për ta përcjellë nga afër situatën.

Ky është postimi i tij:

Jemi në terren për të përcjell nga afër situatën e cila orëve të fundit është përkeqësuar pas reshjeve të pandërprera të shiut. Po punojmë me të gjitha kapacitetet bashkë me Brigadën e Zjarrfikësve, Policinë e Kosovës si dhe kompanitë e kontraktuara për tejkalimin e kësaj situate.

Kërkojmë nga qytetarët të bashkëpunojnë me institucionet, ne do të qëndrojmë pranë juve në çdo situatë!