E dhimbshme: Ndërron jetë një punëtor pasi bie nga lartësia

Një ngjarje e rëndë ka ndodhur të hënë në Ferizaj, ku një punëtor që po kryente punë ndërtimtare në një objekt është rrëzuar nga një lartësi dhe si pasojë ka marrë lëndime të rënda, të cilave nuk arriti t’u bëjë ballë, raporton Gazeta Sinjali.

Kështu kanë bërë me dije burimet nga Emergjenca, që njoftuan se vdekjen e viktimës e ka konstatuar mjeku kujdestar, teksa trupi i pajetë më pas është tërhequr për t’u dërguar në IML për obduksion.

Ndërkohë lidhur me rastin është njoftuar edhe Policia të cilët bashkë me Inspektoratin kanë dalë në vendin e ngjarjes për të kryer ekzaminimet e nevojshme që ndihmojnë në zbardhjen e rrethanave të rastit.

Me urdhër të prokurorit, rasti është cilësuar “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.