E rëndë: Ky është punëtori që vdiq duke punuar (FOTO)
Dita e djeshme ishte tragjike për familjen Dernjani nga Hani i Elezit. Familjari i tyre, Menduh Dernjani, 62 vjeçar, humbi jetën tragjikisht në vendin e tij të punës, në fabrikën e Silkaporit në fshatin Doganaj të Kaçanikut. Ai nuk arriti t’iu bëjë plagëve që mori dhe fatkeqësisht vdiq, raporton Gazeta Sinjali.
I ndjeri dyshohet se derisa ishte mbi rimorkion me ngarkesë të një kamioni, për një moment kishte rënë pa vetëdije mbi të dhe pavarësisht se u dërgua menjëherë për kontroll, 62-vjeçari nuk mbijetoi.
Sinjali mëson se inspektorët e punës tashmë kanë kryer ekzaminimet e nevojshme, teksa janë marrë edhe pamjet nga kamerat e sigurisë, që do të shfrytëzohen si prova për ndriçimin e rastit
Edhe nga Policia e Kosovës e kanë konfirmuar rastin për Sinjalin dhe kanë dhënë detaje e para mbi atë që ka ndodhur
Me urdhër të Prokurorit të Shtetit, rasti është iniciuar ‘’Asgjësimi, dëmtimi ose heqja e pajisjeve mbrojtëse dhe rrezikim i sigurisë në vendin e punës”, ndërsa trupi i pajetë është dërguar në Institutin e Mjekësisë Ligjore në Prishtinë për obduksion.
