Sulmohen fizikisht dy persona në veri

Dy persona janë sulmuar mbrëmjen e sotme në sheshin e Mitrovicës së Veriut.

Lajmi është konfirmuar nga zëdhënësi i Policisë së Kosovës për rajonin e Mitrovicës së Veriut, Veton Elshani.

“Dy persona janë sulmuar në qendër të Mitrovicës së Veriut, që të dy kanë marrë ndihmë mjekësore dhe gjendja e tyre është e mirë”, ka thënë ai.

Ndërkaq, Elshani nuk ka dhënë detaje për motivin e sulmit apo të dhëna për identitetet e personave.

Ai shtoi se Policia e Kosovës po vazhdon ta hetojë rastin.