Man City të interesuar për transferimin e Hakimit

Manchester City thuhet se synon transferimin e mbrojtësit të krahut të djathtë të Paris Saint Germain, Achraf Hakimi, për të cilin janë të gatshëm të paguajnë edhe shifrat të larta.

Pasi fitoi tre trofetë në sezonin 22/23, trajneri i Cityt, Pep Guardiola, tani po kërkon të formojë skuadrën e tij për të mbrojtur titujt e tyre sezonin e ardhshëm.

Javët e fundit, e ardhmja e Kyle Walker ka qenë në ajër, pasi është raportuar se City është i gatshëm të lërë atë të largohet, me klube si Liverpool, Aston Villa, Bayern Munich dhe Sheffield United të interesuar për reprezentuesin anglez.

Si rezultat, City ka të ngjarë të nënshkruajë një mbrojtës të ri nëse Walker largohet nga klubi.

Sipas gazetës spanjolle Marca, City dëshiron të nënshkruajë me Hakimin e PSG-së dhe nuk do të hezitojë të paguajë një tarifë të madhe transferimi për të siguruar nënshkrimin e marokenit.

Hakimi luajti një rol të madh në ecurinë e bujshme të Marokut në gjysmëfinale të Kupës së Botës 2022 në Katar.

Përveç kësaj, gazeta Mundo Deportivo ka pohuar se Hakimi dëshiron të largohet nga Parc des Princes.

Raporti thotë se mjedisi dhe atmosfera përreth PSG-së kanë çuar në vendimin e Hakimit për të kërkuar një largim nga kryeqyteti francez.

Përveç Hakimit, City është lidhur edhe me lojtarë tjerë si Joskol Gvardiol dhe Mateo Kovacic.

Megjithatë, City do të humbasë kapitenin Ilkay Gundogan, i cili pritet t’i bashkohet gjigantëve spanjollë të La Ligës, Barcelonës, kur kontrata e tij të skadojë në fund të qershorit. /Telegrafi/