LAJMI I FUNDIT: Aksident në Podujevë, vdes një grua
Një aksident i rëndë trafiku ka ndodhur mbrëmë rreth orës 19:30 në Podujevë, ku si pasojë kanë mbetur të lënduar katër persona, raporton Gazeta Sinjali.
Siç njofton Policia përmes raportit 24 orësh, një grua nuk ka arritur që t’i përballojë plagët e marra dhe si pasojë ka ndërruar jetë pas mesnate në Qendrën Klinike Universitare të Kosovës.
“Raportohet se ka ndodhur aksident trafiku në mes të dy veturave. Si pasojë, lëndime trupore kanë pësuar katër persona dhe të njëjtit janë dërguar për tretman mjekësor. Rreth orës 01:30 e datës 07.07.2023 në QKUK si pasojë e lëndimeve të marra ka ndërruar jetë viktima femër kosovare”, thuhet në njoftim.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
