E rëndë: Vdes një 50-vjeçar në ndërtesën që u kaplua nga zjarri
Mëngjesin e sotëm, një banesë në qytetin e Gjilanit është kapluar nga zjarri, ku është gjetur pa shenja jete një person i moshës 50-vjeçare, raporton Gazeta Sinjali.
Lajmin e ka konfirmuar për Sinjalin, zëdhënësi i Policisë për rajonin e Gjilanit, Ismet Hashani.
“Njësitet e zjarrfiksëve me urgjencë kanë dalë në vend të ngajrjes. Jane evakuar të gjithë banorët e banesave për rreth për çështje sigurie. Hetuesit rajonalë kanë dalë në vendin e ngjarjes bashkë me prokurorin e shtetit. Nga hetimet e para njoftohet se në banesë eshte gjetur nje person pa shenja jete i gjinisë mashkullore rreth 50 vjeç”, tha ai.
Zjarri vinte nga kati i katërt i banesës, e cila ndodhej në afërsi të tregut të gjelber.
Ai shtoi se me urdhër të Prokurorit të Shtetit, trupi i pa jetë të dergohet në IML ndërsa Hetuesit rajonal janë duke i hetuar rrethanat e rastit.
