Vetura luksoze bllokohet, nuk e pagoi parkingun

Një veturë e tipit Lamborghini Huracan, vlera e të cilit sillet ndërmjet 350 mijë dhe 450 mijë euro është bllokuar nga “Prishtina Parking” në njërën nga zonat që menaxhohet nga kjo ndërmarrje.

Sinjali mëson se arsyeja e bllokimit është mospagesa e rregullt e parkingut në qytet.

Rastet e bllokimit të veturave janë goxha të shpeshta, edhe pse, në vazhdimësi kompania ka bërë thirrje që parkingjet, në pjesët që i menaxhojnë, të paguhen nga të gjithë qytetarët pavarësisht llojit të veturave.

Së fundmi, ‘Prishtina Parking’ ka njoftuar se janë pajisur me bllokadat moderne që janë të dizajnuara për të gjitha llojet e automjeteve.