Ky është personi që vdiq në aksidentin në rrugën Podujevë – Prishtinë (FOTO)

Sot u raportua për aksidentin me fatalitet që ndodhi në mesditë, në fshatin Prugovc të Prishtinës, ku dy vetura u ndeshën mes vete dhe për pasojë një person vdiq.

Burimet brenda Emergjencës kanë bërë me dije se viktima që humbi jetën në këtë aksident është Murat Behrami, 49 vjeçar.

Ndërkohë që nga ky aksident, pesë të tjerë kanë pësuar lëndime trupore.

Kështu ka bërë të ditur zëdhënësja e policisë për rajonin e Prishtinës, Flora Ahmeti.

“Rreth orës 13:30 kemi pranuar informatën se në fshatin Prugovc, ka ndodhur një aksident trafiku. Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar pesë persona, një prej tyre nuk kanë arritë të përballojnë plagët dhe i njëjti ka ndërruar jetë”, ka thënë Ahmeti.

Ajo tha se vdekjen e ka konstatuar ekipi mjekësor në Emergjencën e QKUK-së.

“Me rastin po merret hetuesia nga njësiti i trafikut rrugor”, tha ajo.