Përleshje mes disa personave, theret një person

Përleshjet mes të rinjve tashmë janë bërë të zakonshme në vendin tonë.

Pothuajse çdo ditë raportohet për sherre të ndryshme, motivet e të cilave shpesh dalin të jenë banale.

E gjatë konfrontimeve fizike, përpos grushteve shpesh përdoren edhe mjete të mprehta, të cilat në shumë raste kanë përfunduar me fatalitet.

Burimet e Sinjalit bëjnë me dije se një rast i tillë ka ndodhur në rrugën ‘Nënë Tereza’ në Gjakovë, ku si pasojë e një përleshjeje, një person ka mbetur i therur me thikë.

Sinjali ka kontaktuar Policinë e Kosovës për të marrë më shume informacione lidhur me rastin, mirëpo të njëjtit ende s’kanë kthyer përgjigje.