Ky është personi që vdiq pasi u godit nga vetura (FOTO)

Një aksident në trafik doli të jetë fatal për 62-vjeçarin nga Ferizaj.

Ai u godit nga një veturë derisa po drejtonte biçikletën e tij dhe si pasojë e kësaj kishte marrë lëndime të rënda trupore.

Viktima ishte dërguar me urgjencë në Qendrën Klinike Universitare të Kosovës për trajtim, mirëpo s’ka arritur t’i përballojë plagët e marra dhe ka ndërruar jetë në orët e hershme të mëngjesit të sotëm, raporton Gazeta Sinjali.

Sinjali mëson se viktima është Hysni Sahiti.

Për vdekjen e të ndjerit kanë njoftuar edhe familjarët, të cilët kanë bërë me dije se ceremonia mortore do mbahet sot në orën 17:00 në varrezat e fshatit Nikadin në Ferizaj.

Lidhur me rastin, shoferja që dyshohet se shkaktoi aksidentin nga pakujdesia, është arrestuar dhe me vendim të prokurorit, është dërguar në mbajtje.