Përmbytet Sllovenia, vdesin tre persona (VIDEO)

Tre persona të vdekur e shtëpitë në ujë edhe pas dhjetëra orëve.

Kështu përmbytjet që filluan vonë të enjten në Slloveni po konsiderohen më të rëndat në tre dekada. Në pjesën veriore, veriperëndimore e atë qendrore të shtetit janë bllokuar rrugët dhe urat, derisa uji ka hyrë në ndërtesa e ka detyruar evakuime.

”Shkalla e përmbytjes është katastrofike. Situata në zonë është e tmerrshme në aspektin e infrastrukturës veçanërisht dhe dua t’u bëj thirrje njerëzve që të qëndrojnë në ambiente të mbyllura, përveç nëse është absolutisht e nevojshme të largohen”, tha kryeministri slloven, Robert Golob.

Autoritetet sllovene po paralajmërojnë përmbytje në zona të tjera për shkak të mbushjes së shpejtë të lumenjve.

Ndërkohë edhe në Austri të premten mbrëma pati shira të rrëmbyeshëm. Rreth 80 njerëz u evakuuan në pjesën jugore të shtetit, por të njëjtit u kthyen në shtëpi mëngjesin e së shtunës.

E një qytet i Gjermanisë u godit nga një stuhi e fortë breshëri nga e cila trashësia e akullit shkoi deri në 30 centimetra. Kjo bëri që borëpastruesit të dalin në terren.

Kronikë e përgatitur nga gazetarja Agnesa Sahiti: