Podujevë: Gjobitet qytetarja me 150 euro për hedhje të mbeturinave
Sot është gjobitur një qytetare nga Podujeva për hedhje të mbeturinave në hapësira publike.
Lajmi është publikuar nga faqja zyrtare e Komunës së Podujevës.
Më poshtë postimi:
Gjobitet qytetarja me 150 euro për hedhje të mbeturinave në hapësira publike
Sot gjatë ditës Drejtoria e Inspeksionit përkatësisht inspektorët e ambientit kanë gjobitur një qytetare me 150 euro gjobë për hedhje të mbeturinave në hapësirat e sheshit të qytetit.
Kjo gjobë vjen falë bashkëpunimit të mirë të qytetarëve me institucionet lokale, ku për rastin në fjalë qytetarët kanë lajmëruar Drejtorinë e Inspeksionit dhe menjëherë është identifikuar personi që ka hedhur mbeturina, të cilës edhe i është shqiptuar gjoba në vlerë prej 150 euro nga inspektorët e ambientit.
I ftojmë të gjithë qytetarët që rastet e tilla t’i lajmërojnë në Drejtorinë e Inspeksionit!
