Kajtazi: Kurti po e shkatërron diasporën, i ka ba kriminela

Gazetari Vehbi Kajtazi ka njoftuar se një person nga diaspora që e kishte kërcënuar me jetë përmes rrjeteve sociale është dënuar me 700 euro.

Kajtazi ka thënë se i dënuari jeton në Paris dhe në momentin që ka hyrë në kufi e kanë arrestuar.

“Dje me erdhi nje vendim gjykate. Nje person qe me ka kercenu me jete eshte denuar 700 euro. Tipi jeton ne Paris. Ne momentin qe ka hy ne kufi e kane arrestu. Kish kerku falje, ndonese une nuk kam qene ne séance”, ka shkruar Kajtazi.

Tutje gazetari Kajtazi ka përmendur edhe rastet tjera të pesë mërgimtarëve që janë dënuar këtë muaj për kërcënime dhe ka shtuar se diasporën është duke e shkatërruar Albin Kurti.

“Ajo qe po du me thane eshte se nja 5 bashkatdhetare tane jane denu kete muaj per kercenime. Ne vend qe me shku ne familjet e tyre, ata fillimisht shkojne ne burg. Çka po du me thane me kete eshte se diasporen jemi tu e shkaterru. Me saktesisht eshte tu e shkaterru Albin Kurti. I ka ba kriminela e budalle. Kjo eshte fatkeqesi per neve, per ta, per vendin. Pushime te kendeshme njerezve te mire te vendit tone! Debillat para drejtesise”, ka shkruar Kajtazi.

Kujtojmë se gjatë ditës së djeshme, Gjykata Themelore në Prishtinë e ka dënuar me 2 mijë euro gjobë mërgimtarin nga Gjermania, Reshat Sadikun i cili kishte kanosur ish-kryeministrin, Avdullah Hoti në rrjetin social “Facebook”.

Ndryshe, dënimin më gjobë i akuzuari obligohet që ta paguajë në dy këste në afat prej 15 ditësh pas plotfuqishmërisë së këtij aktgjykimi.

Para tij, u dënua edhe mërgimtari nga Zvicra, i cili përmes telefonit e kishte kërcënuar deputeten Musliu.

Maloku, dje nga Gjykata Themelore në Prishtinë u dënua me 6 muaj burgim, të cilën mund ta zëvendësojë në dënim me gjobë në shumën prej 5 mijë euro, me pëlqim të të akuzuarit, mirëpo deputetja e PDK-së e vlerësoi si dënim të ulët, ndërsa paralajmëroi se do të ndërmarrë veprime tjera të nevojshme për ta kundërshtuar.