Minatorët e Trepçës bojkotojnë punën, nuk morën rrogat e korrikut
Minatorët e Trepçës sot kanë bojkotuar punën për shkak se nuk i kanë marrë pagat e muajit të kaluar.
Nënkryetari i sindikatës së minatorëve, Destan Kërleshi tha se nga menaxhmenti nuk ka dalë askush me asnjë deklaratë rreth kësaj çështjeje.
“Sot ndërrimi i parë, në shenjë të pakënaqësie për mosrealizim të pagave të muajit të kaluar, korrikut, kanë bojkotuar punën, kanë punuar vetëm kujdestarët që duhet të jenë patjetër prezent”, ka thënë ai.
Kjo nuk është hera e parë që për një kohë të shkurtër, minatorëve të Mitrovicës nuk iu ekzekutohen pagat.
Për të njëjtën çështje, minatorët patën hynë në grevë në fillim të muajit korrikut.
Pagat e punëtorëve në “Trepçë” sillen nga 600 deri në 800 euro, varësisht përvojës dhe përgatitjes profesionale. Por, asnjë prej punëtorëve nuk ka sigurim shëndetësor apo jetësor.
