Hajnat vjedhin para, cigare e stoli në një lokal

Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, biznese e institucione financiare që po shkaktojnë humbje e pasiguri, raporton Gazeta Sinjali.

Një vjedhje e rëndë ka ndodhur mëngjesin e djeshëm në një lokal në rrugën ‘Ibrahim Lutfiu’ në Prizren, ku persona ende të paidentifikuar kanë depërtuar brenda hapësirës së brendshme dhe kanë vjedhur para, cigare e stoli.

Sinjali mëson se pronarja e lokalit ka denoncuar rastin në Polici, ku ka deklaruar se të dyshuarit kanë hyrë me forcë në lokal dhe shuma e parave të vjedhura është rreth 8 mijë euro. Po ashtu sipas saj, vlera e cigareve që u morën nga hajnat është rreth 1 mijë e 600 euro dhe mbi 100 euro stoli.

Prokurori i Shtetit ka urdhëruar që rasti të iniciohet ‘Vjedhje e rëndë’, ndërsa veprimet tjera ligjore do merren posa të kapen të dyshuarit.