Ky është punëtori që vdiq pasi u rrëzua nga lartësia
Një punëtor i kompanisë ‘Fidola SHPK’, pasditen e 10 qershorit ishte dërguar me urgjencë në spital, për shkak të lëndimeve trupore që kishte marrë pasi u rrëzua nga një lartësi në objektin ku po punonte.
Viktima që atëherë, po trajtohej në Qendrën Klinike Universitare, por pavarësisht tretmanit mjekësor, ai nuk ka arritur që t’i përballojë plagët e marra dhe si pasojë ka ndërruar jetë gjatë ditës së djeshme, raporton Gazeta Sinjali.
Sinjali mëson se viktima është Muhamet Hodolli, i cili ishte duke punuar në ‘Royal Green Residence’ në fshatin Zllatar në momentin kritik.
Sinjali pati raportuar se menaxheri i kompanisë ishte paraqitur vetë në Polici dhe i njëjti ishte intervistuar në cilësinë e të dyshuarit. Ai ishte ndaluar për veprën “Asgjësimi, dëmtimi ose heqja e pajisjeve mbrojtëse dhe rrezikimi në vendin e punës”.
