Policia me apel për shoferët, kërkojnë t’i respektojnë rregullat e trafikut

Në vendin tonë vazhdon të jetë shqetësuese numri i lartë i aksidenteve në trafiku rrugor të cilat po ndodhin çdo ditë gjithandej Kosovës. Për këtë çështje, Policia e Kosovës ka shtuar patrullat në rrugët nacionale dhe lokale për të identifikuar shkelësit e rregullave të trafikut.

Edhe këtë fundjavë, Policia e Kosovës ka vazhduar me kontrollin dhe mbikëqyrjen e trafikut.

Në faqen zyrtare të Policisë në Facebook, kanë apeluar që shoferët të jenë të përgjegjshëm dhe të sigurohen që janë duke i respektuar rregullat dhe shenjat e trafikut për një siguri më të madhe në rrugë.